Posts Tagged ‘urdu’

Urdu – Faiz Ahmed Faiz

Posted: April 25, 2015 in poetry
Tags: , ,
  1. Raaz-e-ulfat

    1. Raaz-e-ulfat chupa ke dekh liya
      Dil bahut kuch jalaa ke dekh liya
    2. Woh mere ho ke bhi mere na huwe
      Un ko apna bana ke dekh liya
    3. Aur kya dekhne ko baaki hai
      Aap se dil laga ke dekh liya
    4. Faiz, taqmeel-e-gham bhi ho na sake
      Ishk ko aazma ke dekh liya

      [Taqmeel means to complete. So taqmeel-e-gham means the end of my sorrows.]

    Abr aur sharaab

    1. Aaye kuch abr, kuch sharaab aaye
      Is ke baad aaye, jo azaab aaye.
    2. Kar raha tha gam-e-jahaaN ka hisaab
      Aaj tum yaad be-hisaab aaye.
    3. Faiz, thi raah sar-ba-sar manzil
      Hum jahaa pohche, kaamyaab aaye
  1. Ilzaam

    1. Hum par tumhaari chaah ka ilzaam hi to hai
      Dush-naam (abuse, insult) to nahi hai, yeh ikraam (respect) hi to hai.
    2. Karte hai jis pe ta’an, koi jurm to nahi
      Shauk-e-fazool-o-ulfat-e-nakaam hi to hai.
    3. Dil na-umeed to nahi, na-kaam hi to hai
      Lambi hai gham ki shaam, magar shaam hi to hai.
    4. Dast-e-falak mein, gardish-e-taqdeer to nahi
      Dast-e-falak mein, gardish-e-ayaam hi to hai.

    Dono jahaan har kar

    1. Dono jahaan teri mohabbat mein haar ke
      Woh jaa raha hai koi shab-e-gam guzaar ke.
    2. ViraaN hai maikadah kham-o-saagar udaas hai
      Tum kya gaye ke rooth gaye din bahaar ke.
    3. Ek fursat-e-gunaah mili, woh bhi chaar din
      Dekhe hai hum ne hoNsle parwar-digaar ke
    4. Dunya ne teri yaad se baigana kar diya
      Tujh se bhi dil-faraib hai gam-rozgaar ke.
    5. Bhoole se muskaraa to diye the woh aaj Faiz.
      Mat pooch val-vale (ecstasy) dil-e-na-kirdahkaar (useless) ke

      [Na-kirdakaar means something or someone that has no work to do. A good
      for nothing.]

    Aaj Phir Hareef-e-bahar

    1. Aaj phir hareef-e-bahar ho baithe
      Jaaney kis kis ko aaj ro baithey
    2. Thee, magar itni raigaan bhi na thi
      Aaj zindagi sey kuch kho baithey
    3. Na gayi teri be-rukhi, na gayi
      Hum teri aarzoo bhi kho baithey
Advertisements